كوين ـ رابسودية غجرية

توْ هذه الحياة بالرسمي ؟ 

ما تكونش زعمة جرد حلمة ؟

الأرض قاعدة تطيح بيّا وما عندي كيفاش نهرب من الواقع...

حل جفونك... هز عينيك إلى السماء وأخزر...

ما ني كان طفل مسكين، ما نحبكمش تتلاطفوا معايا...

الدنيا فيها الحلو والمر وآنا قابل الباهي والخايب...

على كل حال، الريح تعصف وآنا ما يكيدنيش...

ما يكيدنيش...

يامي راني قتلت راجل، 

حطّيت لو فرد على راسو...

نزلت على الزناد، توْ راهو ميّت...

يامي العيشة ما زالت توْ كيف بدات

لكنّي وفيت وطيّشت كل شيء...

يامي ما حبّيتكش تبكي...

كان المرّة هذه غدوة ما رجعت لكش،

واصل، واصل، كاينّو شيء ما عندو قيمة...

الله غالب، فات عليّا الفوت...

جاء وقتي وحسّيت بتزيليفة في مسلاني...

بدني ديما يوجع...

بالسلامة أنتوما الكل، لازمني نمشي...

لازمني نخلّيكم ونواجه الحقيقة...

كاتب يامي...

ما نحبّش نموت ويا ليتني ما تولدتش جملة...

نرى ظل راجل...

سكاراموش، سكاراموش، باش تشطح الفاندانغو ؟

البرق والرعد خوفوني برشة...

غاليليو غاليليو...

غاليليو غاليليو...

غاليليو فيغارو... مانيفيكو...

راني طفل مسكين وحد ما يحبني...

راهو طفل مسكين جاي من عايلة فقيرة...

سامحوه... علاش ها الوحشية...

آنا قابل كل شيء، باهي سيّبتونيشي ؟ 

بسم الله... لا ما ناش مسيبينك، سيبوه...

بسم الله... لا ما ناش مسيبينك، سيبوه...

بسم الله... لا ما ناش مسيبينك، سيبوني...

ما ناش مسيبينك، سيبوني...

ما ناش مسيبينك، سيبوني...

لا، لا، لا، لا...

يامي، يامي، سيّبني...

بعل زبوب خصّص لي شيطان...

ليّانا... ليّانا...

في بالك تنجّم ترجمني وتبزق على وجهي ؟

في بالك تنجّم تحبني وتخلّيني نموت ؟

يا وليدي، ما عندكش الحق تعمل فيّا هكّة...

لازمني نخرج، لازمني نخرج من هوني...

كل شيء تافه... هذا واضح... 

كل شيء تافه... كل شيء تافه بالنسبة ليّا...

كاتب مكتوب...

ترجمة كريم عبد اللطيف