Karim Abdellatif

رزوڨة طخطخ يدخل عالركح وهو سكران، شادد في يدّه دبّوسة بوخة ؛ يغنّي... رزوڨة طخطخ : لاموني اللي غاروا منّي، ڨالوا لي آش عجبك فيها لاموني اللي غاروا منّي، ڨالوا لي آش عجبك فيها جاوبت اللي جهلوا فنّي : خوذوا عيني شوفوا بيها  يقعد... هاذي حكاية تونسية. تبدا في تونس وتوفى في سان دوني. يدور فيها الشعب على بعضه... يتورني... يكفّر العباد... يحب ويكره... يشتم وما يسامحش...  يقوم. آنا طخطخ البلهاء، مهبول القصّة، بهلول الحكاية... نشطح ونرقص رقصة موْلانا جلال الدين الرومي (يدور على روحه كيف الدرويش)... خرافاتي حقيقيّة ومحرحرة بالكذب... برّد يا عطشان ! ما تاخذوش عليّا عاد، راني ناقص غلية... راني درويش الدراوش وبزويش البزاوش... نغرّد ونغنّي... ما عنديش دار... بيتي هي أرض تونس وسقفي هو السماء والنجمة والهلال... يا بمبك... يغنّي… الفن الفن... عمري للفن... آه... الفن الفن... عمري للفن... ما تقول ما لك وما لي... آنا الدنيا ما تحلالي... ما تقول ما لك وما لي... آنا الدنيا ما تحلالي... إلاّ بالفن... إلاّ بالفن... عمري للفن... إلاّ بالفن... عمري للف...

باش نحكي لكم أسطورة الهارب الطيور سكتت في جبال الأنديز الطيور راضت في الليل القاصي كانت السماء كيف الحرير الناعم ومن غير ما يفهم حد هبط الليل وماتت الأيّام السعيدة ما صدّقتش مسيرة الجيش ما صدّقتش الخطوات الرهيبة وقت اللي سمعت الغنّاية السوداء  متاع دون بابلو نيرودا كانت الموسيقى حلوة والناس الكل متساوين والظلم عاصي في باريس وسانتياغو نحكيوا بنفس اللغة ونفس الغناء يربطنا القفص ديما قفص في فرنسا وفي تشيلي تحت قمع المجاعة يا أرض البراكين الشرطي غلّب عليك يا أرضي القديمة يا بلاد الأروكانوس يا بلاد الأزواج يا أرض الأرانب والفهود حزين ومزيان كيف النحاس في صحراء أتاكاما بغابات الزان بالآس الجنوبي يا بلاد ملح البارود والزرنيخ والغوانو يا بلادي المتناقضة لا حرّة ولا محتلّة  يجيشي نهار  يحلّق النسر الأمريكي في سماك القديمة  ويغزو تاريخك المجيد حاضر وغايب خفي وخانوك قدّاش تشبّه يا نيرودا لبلادك الحزينة دارك هي الأرض والسماء زادا ساكت ووحيد تغنّي بين الناس ترجمة كر...

توْ هذه الحياة بالرسمي ؟  ما تكونش زعمة جرد حلمة ؟ الأرض قاعدة تطيح بيّا وما عندي كيفاش نهرب من الواقع... حل جفونك... هز عينيك إلى السماء وأخزر... ما ني كان طفل مسكين، ما نحبكمش تتلاطفوا معايا... الدنيا فيها الحلو والمر وآنا قابل الباهي والخايب... على كل حال، الريح تعصف وآنا ما يكيدنيش... ما يكيدنيش... يامي راني قتلت راجل،  حطّيت لو فرد على راسو... نزلت على الزناد، توْ راهو ميّت... يامي العيشة ما زالت توْ كيف بدات لكنّي وفيت وطيّشت كل شيء... يامي ما حبّيتكش تبكي... كان المرّة هذه غدوة ما رجعت لكش، واصل، واصل، كاينّو شيء ما عندو قيمة... الله غالب، فات عليّا الفوت... جاء وقتي وحسّيت بتزيليفة في مسلاني... بدني ديما يوجع... بالسلامة أنتوما الكل، لازمني نمشي... لازمني نخلّيكم ونواجه الحقيقة... كاتب يامي... ما نحبّش نموت ويا ليتني ما تولدتش جملة... نرى ظل راجل... سكاراموش، سكاراموش، باش تشطح الفاندانغو ؟ البرق والرعد خوفوني برشة... غاليليو غاليليو... غاليليو غاليليو... غاليليو فيغارو... مانيفيكو... راني طفل مسكين ...